JUDY GLASS AWA MHAZINI WA KWANZA MWANAMKE WA DIVISHENI YA WAADVENTISTA

 

 Judy R. Glass ameteuliwa kuwa mweka hazina wa kwanza mwanamke wa Divisheni ya Amerika Kaskazini ya Waadventista wa Sabato (NAD). Kamati ya kudumu ya uteuzi na kamati kuu ya Divisheni hiyo iliunga mkono uteuzi wake, kwaa mujibu wa  na nakala iliyochapishwa  kwenye tovuti ya habari ya NAD.

G. Alexander Bryant, Mwenyekiti wa Divisheni ya Amerika ya Kaskazini  ameonyesha furaha yake kwa Glass kujiunga na ofisi yake "Nina furaha kuwa na Judy R. Glass kujiunga na timu yetu ya watendaji katika wakati huu wa kihistoria.

Hii ndiyo timu ya watendaji tofauti zaidi katika historia yetu. Ninaamini kwamba Mungu amemtayarisha kwa njia ya kipekee na kumtayarisha kutumikia kanisa huko Amerika Kaskazini kwa wakati huu.” Bryant pia aliomba maombi kwa ajili ya Glass anapotekeleza majukumu yake mapya.

Glass atachukua nafasi ya mweka hazina wa sasa wa NAD Randy Robinson, ambaye alitarajiwa kustaafu Julai 31 baada ya miaka 40 ya huduma kwa kanisa. Robinson alikuwa amechaguliwa kuhudumu kwa nafasi ya  mweka hazina wa Divisheni ya Amerika Kaskazini  mnamo Novemba 2018, na alichaguliwa tena katika Kikao cha Mkutano Mkuu Konferensi Kuu ya Waadventista Ulimwenguni wa 2022.

Glass mwenye uzoefu wa  miaka 25 ya huduma ya kufanyakazi kwa taasisi za Kanisa,ana uzoefu kuelekea  kwenye nafasi yake mpya. Amefanya kazi ya  mwalimu msaidizi katika Chuo cha Union, katika Kitengo cha Biashara na Sayansi ya Kompyuta, alifanya kazi ya  msimamizi/CFO wa Mipango ya Kustaafu wa NAD, na alishikilia majukumu ya usimamizi wa biashara katika Chuo cha Spring Valley na Chuo cha View, kati ya zingine.

Katika jukumu lake akiwa china ya  mweka hazina wa NAD, alisimamia bajeti ya kitengo na kusimamia shughuli za hazina ya NAD na wafanyakazi wake. Kabla ya hii, alikuwa mratibu wa maswala ya hazina wa AdventSource, ambapo alifanya kazi kwa miaka 10.