MICROSOFT KUPUNGUZA WAFANYAKAZI 10000

 

Kampuni ya Microsoft imetangaza kupunguza wafanyakazi 10,000 juma hili, ikiwa ni kampuni ya hivi karibuni zaidi ya teknolojia kuwaondoa wafanyakazi wake kadiri uchumi wa dunia unavyopungua.

Kampuni hiyo ya  programu za komputa  imethibitisha Jumatano ya Januari 18,mwaka huu kupunguza wafanyakazi wake 10,000 hadi mwisho wa robo ya tatu ya mwaka wa fedha wa 2023.

Uamuzi huo umefikiwa "kulingana na hali ya uchumi  na kubadilisha vipaumbele vya wateja," Mkurugenzi Mtendaji wa kampuni hiyo Satya Nadella alitoa katika taarifa kwa wafanyakazi wake Jumatano.

Microsoft iliripoti kuachisha kazi kungeathiri takriban 5% ya wafanyikazi wake, huku Taarifa zingine zikitokea mapema Januari 18,2023.

"Ni muhimu kutambua kwamba wakati tunaondoa majukumu katika baadhi ya maeneo, tutaendelea kuajiri katika maeneo muhimu ya kimkakati.Tunajua huu ni wakati mgumu kwa kila mtu aliyeathiriwa," Nadella aliandika kwenye taarifa hiyo huku akiongeza kuwa Timu ya uongozi wa juu na yeye  wamejitolea kwamba wanapopitia mchakato huu, watafanya hivyo kwa njia ya kufikiria na ya uwazi iwezekanavyo.

Kwa mujibu wa Bloomberg, iliyomtaja mtu anayefahamu suala hilo, Microsoft itapunguza kazi katika vitengo kadhaa vya uhandisi.

Hisa za kampuni hiyo zilikuwa juu kiasi katika biashara ya mapema Januari 18,mwaka huu , ikifunguliwa kwa bei ya hisa ya $241.56.

Microsoft imeajiri  takribani watu 221,000 duniani kote, ikiwa ni pamoja na 122,000 nchini Marekani, kufikia Juni 30,mwaka jana.

Kulikuwa na angalau watu 154,000  walioachishwa kazi kutoka kwa zaidi ya kampuni 1,000 za teknolojia mwaka jana, kulingana na Layoffs.fyi, tovuti ambayo imekuwa ikifuatilia watu walioachishwa kazi kwa taaluma za  Teknolojia tangu Machi 2020.

Takwimu za  Layoffs.fyi zinaonyesha kampuni za teknolojia za Marekani ambazo zilipunguza kazi wafanyakzi wengi zaidi mwaka jana ni pamoja na  Meta: 11,000 Amazon: 10,000 Cisco: 4,100 Carvana: 4,000 Twitter: 3,700