DINI NA SIASA ZAWAWEKA NJIA PANDA WAMAREKANI

 

Wakati jamii nchini Marekani ikieendelea kujadili muunganiko wa imani na siasa, uchunguzi mpya unaoenea unaripoti kwamba watu wazima wengi wa Marekani wana maoni chanya kuhusu jukumu la dini katika maisha ya umma lakini wanaamini kwamba ushawishi wake unafifia.

Maendeleo hayo yanaonekana kusumbua angalau nusu ya nchi ya Marekani, huku wasiwasi ukiongezeka miongoni mwa Wamarekai  wenye dini kwamba imani zao zinakinzana na utamaduni wa kawaida wa Marekani.

Hii ni kwa mujibu wa uchunguzi mpya uliozinduliwa Machi 14 mwaka huu  na Kituo cha  utafuti cha Pew , ambao ulifanyika Februari na unalenga kuibua mitazamo kuhusu ushawishi wa dini kwa jamii ya Marekani.

Greg Smith, mkurugenzi mshiriki wa utafiti katika Kituo cha Utafiti cha Pew, anasema wanaona dalili za aina ya kukatika kati ya imani za kidini za watu wenyewe na mitazamo yao kuhusu utamaduni mpana.

Alitaja matokeo kama vile ya  80% ya wamarekani,watu wazima wanaosema nafasi ya dini katika maisha ya Marekani inapungua  kama ilivyowahi kuwa katika tafiti za Pew - na 49% ya wamarekani  watu wazima wanasema dini kupoteza ushawishi huo ni jambo baya.

Anabainisha kuwa 48% ya  watu wazima nchini Marekani wanasema kuna "baadhi" ya migogoro kati ya imani zao za kidini na utamaduni wa kawaida wa Marekani, ongezeko kutoka 42% mwaka wa 2020. 

Idadi ya Waamerika wanaojiona kuwa kikundi cha wachache kwa sababu ya imani zao za kidini imeongezeka , kupanda kutoka 24% mwaka 2020 hadi 29% mwaka huu.

Ongezeko la Waamerika wanaojiona kuwa wenye kidini, wakati ni wachache, inaonekana katika vikundi kadhaa vya imani: Waprotestanti wa kiinjili wazungu walipanda kutoka 32% hadi 37%, Waprotestanti wazungu wasio wa kiinjili  kutoka 11% hadi 16%, Wakatoliki wazungu kutoka 13% hadi 23%, Wakatoliki wa Kihispania kutoka 17% hadi 26% na Wamarekani Wayahudi kutoka 78% hadi 83%.

Uchunguzi wa utafiti huo ulihoji Wamarekani 12,693 watu wazima kuanzia Feb. 13-25 mwaka huu.