KANISA NA TUHUMA ZA UNYANYASAJI WA KINGONO KWA WATOTO

 

Imeelezwa kuwa Uchunguzi wa miaka mingi kuhusu unyanyasaji wa kijinsia wa watoto uliofanywa na miongoni mwa makasisi wa Kikatoliki huko Illinois,Marekani uligundua angalau watoto 1,997 kote jimboni humo walinyanyaswa kingono.

Mwanasheria Mkuu wa Illinois Kwame Raoul hivi karibuni ametoa  ripoti ya kina inayoelezea miongo kadhaa ya unyanyasaji wa kijinsia wa watoto na watendaji  wa majimbo ya Kikatoliki ya Illinois, ambayo ni pamoja na Belleville, Chicago, Joliet, Peoria, Rockford, na Springfield.

Ripoti hiyo yenye takriban kurasa 700 ina masimulizi ya kina ya unyanyasaji wa kingono wa watoto uliofanywa na makasisi wa Kikatoliki.

Masimulizi mengi yaliandikwa kwa mashauriano na walionusurika, yanatokana na uzoefu wao, na kusimuliwa kutoka kwa mtazamo wa aliyenusurika.

 Raoul ameeleza kuwa alilelewa na kuthibitishwa katika kanisa Katoliki na kuwapeleka watoto wake katika shule za Kikatoliki,anamini kanisa hufanya kazi muhimu kusaidia watu walio katika mazingira magumu,hata hivyo, kama ilivyo kwa taasisi yoyote inayoweza kuheshimika, kanisa Katoliki lazima liwajibike linaposaliti imani ya umma.

Ingawa ripoti hiyo inahitimisha rasmi uchunguzi ambao ofisi ya Mwanasheria Mkuu ilifunguliwa mwaka wa 2018, ina kurasa 50 za mapendekezo ya ofisi hiyo kwa dayosisi kwa ajili ya kushughulikia madai ya baadaye ya unyanyasaji wa watoto kingono.

Kabla ya uchunguzi wa Mwanasheria Mkuu, Dayosisi za Kikatoliki za Illinois ziliorodhesha hadharani watu 103 pekee waliowanyanyasa watoto ngono. Kwa kulinganisha, ripoti ya Raoul inafichua majina na taarifa za kina za makasisi 451 wa Kikatoliki na ndugu wa kidini ambao waliwanyanyasa angalau watoto 1,997 katika dayosisi zote za Illinois.

Kati ya makasisi 451 katika ripoti hiyo, 330 wameshafariki Dunia, kwa mujibu wa  Raoul ambapo Jimbo Kuu la Chicago, na dayosisi za Belleville, Joliet, Peoria, Rockford na Springfield zilitoa taarifa ya pamoja kuhusu matokeo hayo.

Dayosisi za Kikatoliki za Illinois zinahudumia Wakatoliki milioni 3.4, wanaojumuisha takriban asilimia 27 ya wakazi wote wa jimbo, katika takribani parokia 900 za Kanisa hilo.