UADUI NA DHIHAKA KIKWAZO CHA UKRISTO UINGEREZA NA MAREKANI

 

Utafiti mpya unaonesha kuwa Uadui" na "dhihaka" ni baadhi ya matukio yaliyoripotiwa kufanyiwa Wakristo nchini Uingereza na Marekani.

Washiriki katika utafiti huo wa Pearn Kandola, Kampuni ya Saikolojia ya biashara, pia waliripoti hisia za "kunyamazishwa" mahali pa kazi na kusitasita kushiriki imani yao kwa sababu ya hofu ya kuwaudhi wenzao au kuwafanya wasistarehe.

Zaidi ya wafanyakazi Wakristo 1,100 kote Uingereza na Marekani walifanyiwa utafiti  mwaka wa 2021 na 2022 kwa ajili ya matokeo ya utafiti.

Kati ya Wakristo waliosema kuwa wanavaa mavazi ya kidini au kitu chochote chenye utambulisho wa imani yao kazini, karibu nusu (45%) walisema hawakujisikia vizuri kufanya hivyo, huku theluthi moja (32%) wakihisi kutoridhika kuripoti tukio lililohusisha mavazi au utambulisho wa kidini.

Robo tatu (74%) ya wafanyakazi Wakristo ambao kwa kawaida huvaa mavazi ya kidini au utambulisho wowote walisema walichagua kutofanya hivyo kazini.

Wamarekani walikuwa na uwezekano mkubwa wa kuvaa mavazi ya kidini au utambulisho wowote (42%) kuliko Wakristo wa Uingereza (18%).

Pearn Kando inaeleza kuwa Hisia ya ‘kunyamazishwa’ imewafanya Wakristo wengi wajisikie kushindwa kueleza utambulisho wao wa kidini kupitia alama za kidini mahali pa kazi.

Katika washiriki wote wa utafiti, ni 37% tu ya wafanyakazi Wakristo waliona raha kujadili sherehe za kidini wanazosherehekea kazini, na kuongezeka hadi 51% kati ya Wakristo wa Uingereza. Mfanyakazi mmoja tu kati ya watano (22%) wa Kikristo wanaoishi Marekani alijisikia vizuri kujadili hili.

Takriban robo tatu (70%) ya washiriki wote wa uchunguzi waliona kuwa shirika lao lilikuwa na furaha kwao kuchukua likizo ili kusherehekea sikukuu ya kidini, lakini Wakristo wa Marekani walikuwa na uwezekano mkubwa wa kuhisi hivi (84%) kuliko Wakristo wa Uingereza ( 55%).

Ni 52% tu ya wafanyakazi wa Uingereza na Marekani waliona vivyo hivyo kuhusu meneja wao wa kazi.

Utafiti pia ulialika sampuli ya washiriki wa utafiti kueleza zaidi kuhusu uzoefu wao. Katika majibu hayo, washiriki wengi walifichua kwamba hawakushiriki imani zao za kidini na wengine kazini "ili kuzuia kuwaudhi wengine.