FAMILIA NNE ZAFUKUZWA KIJIJINI KWA KUBADILI DINI

 

Familia nne zilizobadili Dini na kuwa Wakristo zimefukuzwa kutoka kijiji chao katika jimbo la Nghe An nchini Vietnam.

Xong Ba Thong, baba wa mojawapo ya familia hizo, aliieleza Radio Free Asia kwamba familia yake yote iligeukia Ukristo mwaka wa 2017 baada ya kusikiliza matangazo ya redio ya Kikristo.

Familia yake ilikuwa mojawapo ya familia nne zilizojiunga na Ukristo hatua ambayo haikukubaliwa  na wanavijiji au mamlaka katika nchi ambayo ni rasmi ya Kikomunisti na isiyoamini Mungu.

Familia hizo zilikabiliwa na kutembelewa na maafisa wa kijiji na wito kwa makao makuu ya wilaya. Viongozi wa eneo hilo pia waliwanyang'anya jembe lao la ng’ombe na kuwakatia umeme na hivyo kudhoofisha maisha yao.

Xong Ba Thong alituma ripoti kwa Kanisa la Kiinjili la Vietnam Kaskazini, Ndani yake, inasemekana aliorodhesha unyanyaswaji wao mikononi mwa serikali za mitaa.

Kufuatia kura ya jumuiya ya 4 Juni, familia ya Thong ilifukuzwa rasmi kutoka kijijini pamoja na watu wengine watatu, jumla ya watu 16,Familia haziwezi tena kufikia huduma za umma na haziwezi kupata hati muhimu za utambulisho kama vile vyeti vya kuzaliwa.