FBI YAONYA KUHUSU SARAFU ZA KIDIGITALI

 

 

Taasisi ya Shirika la Ujasusi la Marekani (FBI) inawaonya raia wa nchi hiyo  kuwa waangalifu zaidi wakati wa kupakua programu za fedha za kidigitali na uwekezaji, kwa kuwa baadhi  ni bandia na zimeundwa ili kuiba pesa za watumiaji wa programu hizo.

Taarifa ya FBI ya Julai 18,2022 (FBI)imeeleza kuwa imeona wahalifu wa mtandaoni wakiwasiliana na wawekezaji wa Marekani, kwa udanganyifu wakidai kutoa huduma halali za uwekezaji wa sarafu za kidigitali, na kuwashawishi wawekezaji kupakua programu za simu za ulaghai, ambazo wahalifu hao wa mtandao wamezitumia kwa mafanikio zaidi baada ya muda kuwalaghai wawekezaji fedha za mtandaoni.

FBI inadai kuwa Shirika mpaka kufikia sasa wahalifu wamewalaghai waathiriwa 244 zaidi  ya dola milioni 42.7.

Ingawa kutakuwa na zaidi, FBI ilielekeza kidole chake kwenye programu mbili za kipekee - Yibit, na Supayos kama baadhi ya wahusika wakuu.

Imetumika tangu Oktoba na Novemba 2021, waendeshaji programu walifanikiwa kuwashawishi wawekezaji wa reja reja waaminifu kuweka pesa zao kwenye programu hizi, na baadaye kuzitoa wenyewe. 

Zaidi ya hayo, tangu mwishoni mwa 2021, baadhi ya wahalifu wa mtandaoni walizilenga  taasisi za kifedha za Marekani kwa lengo la kufanya udukuzi wa fedha za mtandaoni.

Ingawa ulimwengu wa sarafu za mtandaoni  uko katika soko kubwa kwa sasa hata hivyo inaelezwa kuwa Bitcoin imepoteza takriban theluthi mbili ya thamani yake tangu Novemba 2021, wahalifu wa mtandaoni wanafanya kazi kama zamani. 

Baadhi yao wanatumia mbinu za hali ya juu, kama vile video bandia, kuwalaghai watu wafikirie watu mashuhuri kuidhinisha miradi yao.

FBI inahimiza kila mtu kuwa mwangalifu zaidi wakati wa kupakua programu tumishi, kuhakikisha kuwa anapakua kutoka kwa vyanzo halali ikiwemo Google PlayStore na Apple Store.