MAMA SALMA KIKWETE "FIRST LADY" AENDESHA HARAMBEE YA KUCHANGIA SHULE YA WASABATO

Mama Salma Kikwete akikabidhi hundi ya shilingi Milioni 1.5 kwa Mwenyekiti wa jimbo Mch Jacob Gagi kwa ajili ya ujenzi wa shule ya Agape

Hundi ya shilingi milioni 10 za kitanzania zilizochangwa na waumini wa Kanisa la Waadventista Wasabato Morogoro kwa ajili ya shule yao ya Agape

Mama Kikwete akihutubia katika harambe hiyo

Mama Kikwete akiingia katika viwanja vya Morogoro Hotel

Mchungaji Abel Lusega akiwatambulisha baadhi ya viongozi wa kanisa

Mama Salma Kikwete akipokea ua toka kwa Minza Saka

Baadhi ya viongozi wa kanisa la waadventista Wasabato Morogoro mjini waliompokea Mama Salma Kikwete,kutoka kushoto ni Mch Abel Lusega,Mch Jacobo Gagi,Mch George Mwasumbi,Mzee Marwa,Elvin Mrindoko na Prof Wambura

Baadhi ya majengo ya shule ya Agape yakiendelea kujengwa huko Kitungwa

Baadhi ya wanafunzi wa shule ya msingi ya Agape wakiwa darasani

Jumla ya shilingi milioni 31 za kitanzania zilichangwa katika Harambee iliyoendeshwa na Mama Salma Kikwete ambaye ni Raiswa Tanzania Jakaya Kikwete ,tukio lililofanyika katika viwanja vya Morogoro Hotel.

Shule ya Msingi ya Agape ni shule inayomilikiwa na kuendeshwa na Kanisa la Waadveritista Wasabato Mtaa wa Morogoro Mjini. Shule hii iko Kitungwa kilometa 12 kutoka Morogoro Mjini kandokando ya Barabara ya Dar es Salaam. Kwa mtu anayetokea Morogoro kwenda Dar es Salaam iko upande wa kushoto mwa barabara, umbali wa mita mia tatu tu (300). Shule iko jirani na Lutheran Junior Seminary. Nayo ni shule ya mchepuo wa Kiingereza.

Njozi za ujenzi wa shule ya Agape zilianza rasmi mwaka 2000 kwa andiko la mradi na hatimaye mwaka 2001 ujenzi ukaanza katika eneo kule liliko Kanisa. Mwaka uliofuata yaani 2002 shule ikaanza kwa kusajili watoto kwa ajili ya kuanzisha darasa la kwanza. Katika eneo hilo Kanisa lilijenga vyumba vine (4) vya madarasa, vyoo matundu 7 na ofisi moja ya walimu.

Agosti 29,2003 Mkaguzi Mkuu wa Elimu Manispaa ya Morogoro alipotembelea shule hii alishauri Kanisa liihamishe kutoka eneo hilo kwenda mahali pengine kwa kuwa eneo hilo ni dogo.

Hatua hii ilirudisha nyuma juhudi za Kanisa. Hata hivyo kwa kuwa lengo la kuwa na shule liliendelea kuwepo, Kanisa lilifanya jitihada ya kupata kiwanja kingine kipana chenye uwezo wa kutosheleza ujenzi wa shule. Kiwanja hicho kilipatikana katika eneo la Kitungwa.

Ujenzi mpya ulianza mwaka 2003 katika eneo hilo jipya. Ujenzi huo bado unaendelea hadi sasa. Shule ilipohamia eneo jipya tayari kulikuwa na wanafunzi wa darasa la kwanza na la pili ambao walihamia kutoka eneo la awali.

Miongoni mwa wanafunzi hao walifanya mtihani wao wa darasa la saba mwaka jana, 2008.ambapo wanafunzi wapatao 10 waliomaliza darasa la saba wote walihaguliwa kujiunga na skondari,Mwaka huu 2009 wanafunzi wengine wamefanya mtihani, wanasubiri matokeo yao. Shule hiyo inahitaji kiasi cha shilingi milioni 100 ili kukamilisha ujenzi wa madarasa