WANAWAKE WALIOOLEWA MAREKANI WANAFURAHA KULIKO WASEJA

 

 Utafiti wa hivi karibuni uliofanyika nchini Marekani unaonesha kuwa 33% ya wanawake walioolewa wenye umri wa kati ya miaka 18 na 55 waliripoti wakuridhika kabisa na maisha yao, ikilinganishwa na 15% tu ya wanawake waseja.

Kila mwaka, Deseret News na Chuo Kikuu cha Brigham Young hufanya Utafiti wa Familia za Marekani, ambapo watafiti huwauliza maelfu ya Wamarekani kuhusu njia ambazo wamejenga familia zao na jinsi wanavyohisi kuhusu maisha yao.

Na kila mwaka,watafiti hao  wanaonekana kupata matokeo sawa - angalau linapokuja suala la idadi fulani ya watu. Kulingana na nambari, baadhi ya watu wenye furaha zaidi nchini Marekani ni akinamama walioolewa.

Utatiti huo unaonesha kuwa wanawake wahafidhina wana uwezekano mkubwa wa kuolewa kitakwimu, takwimu za kuridhika zinaonekana kushuka kwa kiasi fulani katika misingi ya kisiasa pia wanawake wahafidhina wanaripoti kuridhika mara mbili ya kiwango cha wanawake wasio na msimamo huo.

Kila wakati matokeo haya ya uchunguzi yanapojitokeza kwenye habari, hukutana na majaribio ya kuyafafanua .Utafiti wa Familia wa Marekani hauwaulizi waliojibu kukadiria jinsi hali zilivyo nzuri, au kama na ni mara ngapi waliojibu walichanganyikiwa, kuwa na wasiwasi au kukosa raha bali  ambacho uchunguzi hupima ni iwapo watu wanaona maisha yao kuwa na maana na yenye kusudi.

Mwanasaikolojia Daniel Kahneman amefanya utafiti mwingi akisoma tofauti kati ya kile alichokiita "matumizi ya papo hapo" na kuridhika kwa jumla.Matumizi ya papo hapo,"kwa mujibu wa Kahneman, inaelezea jibu la mtu kwa swali maalum: "Je, unapenda kile unachopitia wakati huu, na ungependa kiendelee?""Kuridhika" au "ustawi," kwa upande mwingine, inaelezea tathmini ya jumla ya mtu ya maisha yake.